Skip to the content

Låtmakarkurs 20.-21.mars 2020

I samarbeid med Sparebank 1 Søre Sunnmøre inviterer Herøy kulturskule til Låtmakarkurs på Herøy kulturhus den 20.-21.mars 2020.

Askil Holm har lukkast særs godt som låtskrivar og har ingenting i mot at andre lukkast like godt som han i faget. Han lærar difor veldig gjerne bort låtskrivarkunsten. Det gjer Holm saman med ein annan med stor tekstkompetanse, Rulle Smit - skodespelar, regissør og manusutviklar. Saman står dei bak Låtmakarane, eit samlingsbasert kurstilbod for alle som ynskjer å skrive tekst og/eller musikk.

Askil Holm er ein Spelemannprisvinnande låtskrivar og artist. Han er ein av Norges mestselgande artistar, og ein særs ettertrakta liveartist. Han er både soloartist og medlem av gruppa Lind, Nilsen, Fuentes & Holm.
– Alt startar med ei god låt, seir Askil. – Gode tekstar og melodiar er ein av dei viktigaste råvarene for einkvar suksessfull artist. Gjennom Låtmakarane ynskjer vi å bidra til å skape tekstskrivarar for framtida. Kanskje er du ein av dei?

Låtmakarane si tilnærming til handverket skal - i fylgje dei sjølve – vere særs annleis og herleg kreativt. Kurset skal passe alle frå 13 år og oppover, anten ein ser på seg sjølv som musikalsk eller ikkje.
Kurset blir arrangert på Herøy kulturhus den 20. og 21. mars 2020. Det startar fredag 20.mars kl 17:00 og held på nokre timar utover kvelden. Laurdag startar det kl 10:00 og held på fram til kl 16:00. Då reknar ein med mange har fått inspirasjon til å fortsette med låtskrivinga på eiga hand.

Sidan vi har fått ein solid medarrangør i SpareBank 1 Søre Sunnmøre, er prisen sett til kun kr. 500,- for dette kurset.

Kanskje dette kan vere årets julegåve til den som har alt frå før?

Send påmelding til rune.paulsen@heroy.kommune.no i Herøy kulturskule innan 13.mars 2020.  Dersom det blir stor påmelding (max 30 stk), må vi prioritere dei som melder seg på først.

 

5 x 45 i Messing

Herøy kulturskule ynskjer å tilby kortare kurs til messingblåsarar.

Sidan hausten 2019 har vi hatt tilbod om 10 gangar à 45 minutt (10X45), og med dette ynskjer vi også å tilby kortare kurs på 5 gangar à 45 minutt (5X45)

Ta kontakt for meir informasjon og påmelding: rune.paulsen@heroy.kommune.no